Setesdal Sauna – Vår flytande badstoge

Ei unik badstueoppleving i hjarta av Setesdal – med panoramautsikt mot mektige Andenapen og elva Otra!

Setesdal Sauna ligg idyllisk til på Otra ved Sølvgarden. Her får du ei heilt spesiell oppleving:
Badstoga ligg bokstaveleg talt på vatnet, med panoramautsikt til fjell og elv – og med trapp rett ned i Otra for den som vil teste isbading.

Dette er eit heilårstilbod som kombinerer nordisk tradisjon med moderne komfort, omgitt av spektakulær natur midt i Setesdal. Når du set deg til rette på benken, vil du merke korleis stillheita, utsikta og varmen smeltar saman til noko heilt eige.

Perfekt for:

  • Gjestene våre på Sølvgarden som vil utvide opphaldet med noko spesielt

  • Venelag og par som ønskjer ei sosial og avslappande stund

  • Bedrifter og grupper som vil kombinere møter og velvære

  • Dei som vil prøve isbading og badstue året rundt

  • Dei som treng eit pusterom

OPNAR HAUSTEN 2025!

BOOK SAUNA

Kombiner med sauna med overnatting!

Fullfør opplevinga med god mat og overnatting på Sølvgarden.
Vi tilbyr pakker med badstue, middag og overnatting, perfekt som gåve, helgetur eller teambuilding.
Etter eit bad i Otra ventar varmen, maten og gjestfridomen vår inne på hotellet.

Book overnattingspakker med badstoge her. 

Tips og reglar for ei god badstogeoppleving

For at alle skal få ei trygg og behageleg stund i badstoga, ber me deg lesa gjennom desse enkle råda før du går i varmen:

Før 

  • Bruk badetøy og ta med to handkle – eitt til å sitje på og eitt til å tørke deg med.
  • Ta med vatn slik at du held deg godt hydrert.
  • Det er fint å bruke badesko eller sandalar når du går mellom badstoga og vatnet.

Under

  • Det skal ikkje brukast vatn på omnen – den er elektrisk.
  • Høyr på kroppen – om du kjenner deg svimmel eller uvel, gå ut og kjøl deg ned.
  • Mat, røyk og snus er ikkje tillate inne i badstoga.

Etter 

  • La badstoga stå rein og ryddig – slik du sjølv ønskjer å finne ho.
  • Ta med alt av eigne ting, og kast søppel i søppeldunken.
  • Hugs å lukke døra når du forlet badstoga.

Tryggleik

  • Bad aldri åleine – ha alltid med deg nokon som held eit auge med deg.
  • Bading og isbading skjer på eige ansvar.
  • Personar med hjarteproblem, luftvegsinfeksjonar eller feber bør ikkje bruke badstue.
  • Alkohol er ikkje tillate under badstueopphald.